- საქართველოს პრემიერ-მინისტრი ირაკლი კობახიძე აფხაზეთის ავტონომიური რესპუბლიკის ახლად არჩეულ თავმჯდომარეს, გიორგი ჯინჭარაძეს შეხვდა.
მთავრობის ადმინისტრაციის ინფორმაციით, ახალმა თავმჯდომარემ პრემიერ-მინისტრს უახლოესი პერიოდის გეგმები და პრიორიტეტები გააცნო. პრემიერ-მინისტრმა გიორგი ჯინჭარაძეს თანამდებობაზე დამტკიცება მიულოცა, წარმატება უსურვა და მხარდაჭერა აღუთქვა.