- „ნაციონალური მოძრაობის“ თავმჯდომარე თინა ბოკუჩავა და პარტიის პოლიტიკური მდივანი გიორგი ბარამიძე მოლდოვის პრეზიდენტს, მაია სანდუს და საგარეო მინისტრს მიჰაი პოპსოის შეხვდნენ. ამის შესახებ ინფორმაციას „ნაციონალური მოძრაობა“ ავრცელებს.
შეხვედრაზე საუბარი შეეხო საქართველოსა და მოლდოვის საერთო ბრძოლისა და ძალისხმევის გაერთიანების მნიშვნელობას ევროინტეგრაციის პროცესში.
განხილულ საკითხებს შორის იყო პრეზიდენტ მიხეილ სააკაშვილის გათავისუფლების მნიშვნელობა საქართველოსთვის.