- საქართველოს პროკურატურამ განსაკუთრებით დიდი ოდენობით ნარკუკანონო შეძენა-შენახვის ფაქტებზე ერთი პირი ბრალდებულად ცნოოტიკული საშუალებების – 34 512 აბი „მეთადონის“, ასევე ,,ჰეროინის“ ,,მორფინის“ და „კოდეინის“ შემცველი 2 ლიტრამდე სითხის უკანონო შეძენა-შენახვის ფაქტებზე ერთი პირი ბრალდებულად ცნო. ინფორმაციას ამის შესახებ საქართველოს პროკურატურა ავრცელებს.
“შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებული უკანონოდ ინახავდა სხვადასხვა სახის და რაოდენობის, განსაკუთრებით დიდი ოდენობით ნარკოტიკულ საშუალებებს. საგამოძიებო და საპროცესო მოქმედებების შედეგად, სამართალდამცველებმა ფონიჭალაში, წარსულში ნარკოტიკული დანაშაულისთვის ნასამართლევი პირის საცხოვრებელი სახლის ჩხრეკის შედეგად, სპეციალურად მოწყობილი სამალავებიდან უპრეცედენტო, განსაკუთრებით დიდი ოდენობით ნარკოტიკული საშუალებები – 34 512 აბი „მეთადონი“, ასევე ,,ჰეროინის“ ,,მორფინის“ და „კოდეინის“ შემცველი 2 ლიტრამდე სითხე ამოიღეს. აღსანიშნავია, რომ ეს არის ყველაზე დიდი რაოდენობის „მეთადონის“ აბები, რაც საპოლიციო ღონისძიების შედეგად არის ამოღებული.
აღნიშნული პირი ცნობილი იქნა ბრალდებულად საქართველოს სისხლის სამართლის კოდექსის 260-ე მუხლის მეორე ნაწილის ,,ა“ ქვეპუნქტით და 260-ე მუხლის მესამე ნაწილის ,,ა’’ ქვეპუნქტით (დიდი და განსაკუთრებით დიდი ოდენობით ნარკოტიკული საშუალების უკანონო შეძენა და შენახვა) წარედგინა, რაც სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს.
პროკურატურის შუამდგომლობის საფუძველზე სასამართლომ ბრალდებულს აღკვეთის ღონისძიების სახით პატიმრობა უკვე შეუფარდა.”-ნათქვამია უწყების მიერ გავრცელებულ ინფორმაციაში.